StepUp EnglishНүүр

Нууцлалын бодлого

Сүүлд шинэчилсэн: 2026 оны 11 сарын 17

StepUp English бол англи хэл сурах платформ. Энэ бодлого вэб хувилбар (www.stepup-english.app) болон iPhone, Android дээрх StepUp апп хоёуланд нь хамаарна. Танаас ямар мэдээлэл цуглуулж, юунд ашиглаж, хэнтэй хуваалцдагийг энгийнээр тайлбарлая.

Товчхондоо: бид таны мэдээллийг зардаггүй, зар сурталчилгаа харуулдаггүй, таныг өөр компанийн апп, сайт дээр мөрддөггүй. Апп-д зар сурталчилгааны болон гуравдагч талын аналитикийн хэрэгсэл байхгүй.

Цуглуулдаг мэдээлэл, юунд ашигладаг вэ

Доорх бүх мэдээлэл таны бүртгэлтэй холбоотой хадгалагдана.

  • И-мэйл хаяг. Нэвтрэх, нууц үг сэргээх, санал хүсэлтэд хариу бичихэд. Нууц үгийг бид хардаггүй. Нэвтрэлтийг Supabase хариуцна.
  • Нэр. Бүртгүүлэх, анхны тохиргоо эсвэл профайл засах үед оруулсан нэр. Апп дотор таныг нэрээр тань дуудахад.
  • Хэрэглэгчийн дугаар. Бүртгэл бүрд өгдөг санамсаргүй дугаар. Явцыг тань утас, компьютер хоёрын хооронд нэгтгэхэд.
  • Суралцсан явц. Хичээл хийсэн хугацаа, оноо, дараалал, хадгалсан үг, давталтын хариулт, алдааны дэвтэр, дуусгасан хичээл, текст, бичлэг. Мөн анхны тохиргоо, түвшин тогтоох тест дээр сонгосон түвшин, зорилго. Энэ бол апп-ын гол ажил: хаанаас үргэлжлүүлэх, юуг давтахыг тооцоолно.
  • Хэрэглээний тоо бүртгэл. Аль алхмыг эхлүүлж, дуусгасан (анхны тохиргоо, түвшин тогтоох тест, санал илгээсэн гэх мэт), сайтыг нээсэн өдөр зэрэг цөөн үзүүлэлт. Үүнийг бид өөрсдийн сан дээр хадгалж, бүтээгдэхүүнээ сайжруулахад л ашиглана. Өөр компанид дамжуулдаггүй.
  • Санал хүсэлт. Та санал илгээвэл бичсэн текст, сонгосон сэтгэгдэл, аль хэсгээс илгээсэн, цаг нь хадгалагдана. Бидэн рүү ирэх и-мэйлд таны бүртгэлийн и-мэйл (хариу бичихийн тулд) болон түвшин тань хамт очно. Бүртгэлгүй бол и-мэйлийн оронд зөвхөн дугаар очно.
  • Профайл зураг. Вэбээс өөрөө оруулсан, эсвэл Google-ээр нэвтрэхэд Google-ээс ирсэн зураг. Зөвхөн таны профайл дээр харагдана.

Цуглуулдаггүй зүйл: байршил, харилцагчид, зураг, видео, микрофоны бичлэг, эрүүл мэнд, төлбөрийн мэдээлэл, хайлт, хөтчийн түүх, зар сурталчилгааны дугаар (IDFA). Апп-д худалдан авалт байхгүй. Вэбийн сонсголын хичээлд өөрийн дуу хоолойг бичиж сонсож болох ч тэр бичлэг зөвхөн таны хөтчид байж, хуудсаа хаахад устна. Бидэн рүү илгээгддэггүй.

Apple болон Google-ээр нэвтрэх

  • Apple-ээр нэвтрэх (iPhone апп). Apple бидэнд таны и-мэйл хаяг, Apple-ийн өгсөн хэрэглэгчийн дугаар, анх нэвтрэхэд нэрийг тань өгнө. “Hide My Email” сонгосон бол Apple-ийн дамжуулах хаяг ирэх бөгөөд бүх зүйл хэвийн ажиллана: бидний и-мэйл тань руу тэр хаягаар дамжин очно.
  • Google-ээр нэвтрэх (вэб, iPhone, Android апп). Google-ээс таны и-мэйл хаяг, нэр, профайл зураг, Google-ийн хэрэглэгчийн дугаарыг авна.
  • Аль ч тохиолдолд Apple, Google-ийн нууц үг тань бидэнд ирэхгүй. И-мэйл, нууц үгээр бүртгүүлж бас болно.

Cookie ба төхөөрөмж дээрх хадгалалт

  • Нэвтрэлтийн cookie (вэб): нэвтэрсэн хэвээр байлгахад. Апп-д нэвтрэлтийг утасны хамгаалагдсан санд хадгална.
  • stepup.aid (вэб): санамсаргүй дугаар. Хэдэн хүн зочилсныг тоолоход ашиглана. Нэр, хаяг агуулаагүй.
  • Таны сонголт (харанхуй горим, сануулгын цаг, бүртгэлгүй үед суралцсан цаг) болон сонсголын түр хадгалсан аудио зөвхөн таны төхөөрөмж дээр хадгалагдана.

Сануулга

Апп дахь сануулга нь таны утсан дээр тохируулагддаг. Тохиргооноос асаавал л зөвшөөрөл асууна, бидэнд ямар нэг мэдээлэл илгээхгүй.

Бид хичээлийн сануулгыг и-мэйлээр илгээдэггүй. Харин таны эрх дуусахаас өмнө, дууссаны дараа нэг удаа и-мэйл илгээнэ. Нэг и-мэйл бүрт и-мэйлээс татгалзах холбоос байна.

Бидэн рүү ирдэг мэдэгдэл

Шинэ хүн бүртгүүлэх бүрд платформын эзэн и-мэйлээр мэдэгдэл авдаг. Тэр мэдэгдэлд шинэ хэрэглэгчийн и-мэйл хаяг, бүртгүүлсэн цаг л байна.

Хэнтэй хуваалцдаг вэ

Бид мэдээллийг зардаггүй, зар сурталчилгааны компанид өгдөггүй. Ажиллахын тулд дараах үйлчилгээг ашигладаг бөгөөд тэд зөвхөн бидний өмнөөс ажиллана:

  • Supabase: өгөгдлийн сан ба нэвтрэлт.
  • Vercel: сайт болон апп-ын сервер.
  • Apple: Apple-ээр нэвтрэхийг сонгосон тохиолдолд.
  • Google: Google-ээр нэвтрэхийг сонгосон тохиолдолд.
  • Brevo: санал хүсэлт болон бүртгэлийн мэдэгдлийг и-мэйлээр илгээхэд.
  • YouTube: вэбийн зарим сонсголын видеог YouTube-ийн тоглуулагчаар үзүүлдэг тул видео тоглуулахад Google өөрийн cookie тавьж болзошгүй.

Хэр удаан хадгалдаг вэ

Таны явцыг бүртгэлтэй байх хугацаанд хадгална, тасалдсан ч буцаж ирэхэд явц тань байрандаа байх нь гол зорилго. Бүртгэлээ апп эсвэл вэбээс хэдийд ч устгаж болно. Устгавал өгөгдөл тань хамт устна. iPhone апп-аас Apple-ээр нэвтэрсэн бүртгэлээ устгавал Apple-ээр нэвтрэх эрхийг (token) мөн цуцална. Төлбөрийн мэдээлэл нягтлан бодох бүртгэлд зориулж, таны бүртгэлтэй холбоогүйгээр үлдэнэ. Нэг и-мэйл нэг удаа үнэгүй туршдаг тул и-мэйлийн hash хэлбэр ба туршилт авсан тэмдэглэгээ мөн үлдэнэ. Юу устаж юу үлдэхийг бүртгэлээ устгах хуудаснаас үзнэ үү.

Таны эрх

Өөрийнхөө мэдээллийг хуулбарлан авах, засах, бүхэлд нь устгуулахыг хүсэж болно. amaraabokhbat@gmail.com хаягаар бичнэ үү. Бид ажлын 7 хоногийн дотор хариу өгнө. Бусад асуултаа тусламжийн хуудаснаас үзээрэй.

Хүүхдийн тухай

StepUp English нь өсвөр насны болон насанд хүрсэн хүмүүст зориулагдсан. 13-аас доош насны хүүхдэд зориулан мэдээлэл цуглуулахгүй.

Өөрчлөлт

Энэ бодлого өөрчлөгдвөл дээрх огноог шинэчилнэ. Чухал өөрчлөлт гарвал апп дотор мэдэгдэнэ.